“COP 29”-a həsr olunmuş "Mədəniyyət fəalı" adlı bilik yarışı keçirilib
21 avqust 2024-cü il tarixində Dağlıq Şirvan Regional Mədəniyyət İdarəsinin tabeliyində fəaliyyət göstərən müəssisələrin komandaları arasında bilik yarışı keçirilib. İsmayıllı rayon Heydər Əliyev adına Parkında baş tutan tədbirdə Ağsu, Qobustan, Şamaxı, İsmayıllı rayonlarının hər birindən iki komanda olmaqla, ümumilikdə səkkiz komanda iştirak edib. Tədbirdə həmçinin rayon mərkəzində ayrılmış sahədə müxtəlif ağac tingləri əkilib.
İsmayıllı rayon Heydər Əliyev adına Mədəniyyət Mərkəzinin bədii rəhbəri Teymur Əzizin layihəsi əsasında keçirilən bilik yarışı 3 mərhələdən ibarət olmuşdur. Qobustan rayonunun “Zəfər” komandası I yerin, Şamaxı rayonunun “Yurd” komandası II yerin, İsmayıllı rayonunun “Mütaliəçilər” komandası III yerin qalibi olmuşdur.
Qaliblər Dağlıq Şirvan Regional Mədəniyyət İdarəsi tərəfindən Fəxri Fərman və müxtəlif hədiyyələrlə mükafatlandırılıb.
Qalibləri təbrik edirik.
