İsmayıllıda 23 İyun-Dövlət Qulluqçularının Peşə Bayramı Günü qeyd edilib

İsmayıllı Rayon İcra Hakimiyyətində 23 İyun-Dövlət Qulluqçularının Peşə Bayramı Günü münasibətilə tədbir keçirilib.

Tədbirdə dövlət qulluğunda çalışanlar peşə bayramı münasibətilə təbrik edilib. Dövlət quruculuğu sahəsində aparılan islahatların Ümummilli Liderimiz Heydər Əliyevin adı ilə bağlı olduğu, Ulu Öndər Heydər Əliyevin dövlətçilik ənənələri bu gün də Prezident cənab İlham Əliyev tərəfindən uğurla davam etdirildiyi bildirilib. Uğurlu dövlət quruculuğu siyasətinin ardıcıl həyata keçirilməsi nəticəsində respublikamızda dövlət idarəetmə sisteminin, o cümlədən dövlət qulluğunun təkmilləşdirilməsi üçün mühüm işlər görüldüyü qeyd edilib. Cənab Prezident tərəfindən 2006-cı ildə dövlət qulluqçularının peşə bayramı günün təsis olunması, hər il bu bayram münasibəti ilə dövlət qulluqçularının təltif edilməsini dövlət qulluqçularına göstərilən diqqət və qayğının nəticəsi olduğu vurğulanıb.

Tədbirdə RİH başçısının Quşəncə kənd İƏD üzrə nümayəndəsi işləmiş və hal-hazırda təqaüddə olan Yaşar Şirəliyevə “Tərəqqi medalı”ı təqdim edilib. Həmçinin bir qrup Dövlət qulluqçusuna RİH başçısının Sərəncamı ilə ixtisas dərəcələri və Fəxri Fərmanlar təqdim edilib.

Dövlət Qulluqçularının Təltif edilməsi haqqında Azərbaycan Respublikasının Prezidenti Cənab İlham Əliyevin Sərəncamı ilə İsmayıllı RİH-nin Sosial-iqtisadi inkişafın təhlili və proqnozlaşdırılması şöbəsinin müdir müavini Hüseynov Şahin Şahalı oğlu “Tərəqqi” medalı ilə təltif edilib.

Bütün Dövlət qulluqçularını peşə bayramı münasibətilə təbrik edirik.