İsmayıllıda " Füzuli dünyası" adlı tədbir keçirilib
İsmayıllıda dahi Azərbaycan şairi Məhəmməd Füzulinin 530 illiyinin qeyd edilməsi haqqında Azərbaycan Respublikası Prezidentinin Sərəncamının icrası ilə əlaqədar “Məktəblərdə Məhəmməd Füzuli ayı” layihəsinin yekun tədbiri keçirilib. İsmayıllı rayon Mədəniyyət mərkəzində baş tutan tədbirdə RİH başçısının müavini Sevil Əhmədova, DŞRTİ müdiri Rövşən Əliyev, müdir müavini Həmid Qasımov, İsmayıllı rayon Təhsil Sektorunun müdiri Rəşid Məmmədov və əməkdaşlar, məktəb və müəssisə rəhbərləri, şagirdlər iştirak edib.
Tədbir iştirakçıları sərgiyə baxış keçirib.
Çıxış edənlər Füzuli yaradıcılığına nəzər salıblar. Məktəblilər "Füzuli kantatası"ndan, qəzəl və qəsidələrindən ibarət kompozisiya, poemalarından səhnələr təqdim ediblər
Sonda tədbirdə fəal iştirakına görə fərqlənənlər təltif edilib və xatirə şəkilləri çəkilib.
