İsmayıllıda növbəti Əmək Yarmarkası
Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Məşğulluq Agentliyinin Dağlıq Şirvan Regional Məşğulluq Filialının təşkilatçılığı və İsmayıllı Rayon İcra Hakimiyyətinin dəstəyi ilə İsmayıllı Dövlət Peşə Təhsil Mərkəzinin inzibati binasında növbəti Əmək Yarmarkası keçirilib.
Yarmarkada 15 işəgötürən tərəfindən müxtəlif sahələr üzrə ümumilikdə 110-dan çox vakansiya təqdim olunub.
Tədbirdə 300-dən çox şəxs iştirak edib, onlara vakansiyalar üzrə iş şərtləri və tələblər barədə ətraflı məlumat verilib.
Müraciət edən şəxslərin CV-ləri qəbul olunub, uyğun namizədlərin qeydiyyatı aparılıb.
Eyni zamanda, işsiz və işaxtaran şəxslərə Agentliyin aktiv məşğulluq proqramları, peşə hazırlığı imkanları və müraciət qaydaları barədə də geniş məlumat verilib, ilkin sorğular həyata keçirilib.
Bu cür əmək yarmarkaları işaxtaranların əmək bazarına çıxışını dəstəkləməklə yanaşı, regionlarda məşğulluğun artırılmasına da töhfə verir.
