İsmayıllıdan olan şəhidin anım günü qeyd olunub
2023-cü ilin 19 sentyabr tarixində baş verən antiterror əməliyyatları zamanı şəhidlik zirvəsinə ucalan Cahan Qasımovun anım günü İsmayıllı rayonu Qalınçaq kəndində qeyd olunub.
Cahan Xəqani oğlu Qasımov 2023-cü ilin 19 sentyabr tarixində baş verən antiterror əməliyyatları zamanı şəhid olmuşdur.
Şəhidimiz Azərbaycan Respublikasının Prezidenti cənab İlham Əliyevin sərəncamı ilə ölümündən sonra “Vətən uğrunda” medalı və 3-cü dərəcəli "Vətənə xidmətə görə" ordeni ilə təltif edilib.
Qalınçaq qəbiristanlığında antiterror əməliyyatları zamanı şəhidlik zirvəsinə ucalan Cahan Qasımovla yanaşı Birinci Qarabağ müharibəsi şəhidi Elbrus Həsənov, Vətən müharibəsi şəhidləri Fuad Nəcəfov və Tural Rəcəbalıyevin də məzarı ziyarət edilib.
Allah şəhidlərimizə rəhmət eləsin!
Şəhidlər ölməz, Vətən bölünməz!
