SOCAR "Azəriqaz" İB-nin baş direktoru İsmayıllı rayonunda vətəndaş qəbulu keçirib
Ölkə başçısının vətəndaşların şəhər və rayonlarda qəbulunun keçirilməsinə dair tapşırığına uyğun olaraq SOCAR "Azəriqaz" İstehsalat Birliyinin baş direktoru Ruslan Əliyev bu gün İsmayıllı və Ağsu rayon sakinləri ilə görüş keçirib.
İsmayıllı Heydər Əliyev Mərkəzində keçirilən görüşdə Birlik rəhbəri ilə yanaşı, Ağsu Regional qaz istismarı İdarəsinin sədri, idarə və müəssisə, eləcə də xidmət sahəsinin rəhbər şəxsləri iştirak ediblər.
"Azəriqaz" İB-nin baş direktoru Ruslan Əliyev 25 sakinin qaz təsərrüfatına dair problem və təkliflərini dinləyib. Vətəndaşların qəbul zamanı qaldırdıqları məsələlərin bir qismi yerindəcə həllini tapıb. Qaldırılan digər məsələlərin həlli barədə Ağsu Regional qaz istismarı İdarəsinin rəhbərliyinə müvafiq tapşırıq verib.
Görüş iştirakçıları bölgələrdə qəbulla bağlı göstərdiyi diqqət və qayğıya görə ölkə başçısına və SOCAR rəhbərliyinə təşəkkür ediblər.
