“Anaları təbrik edək”
8 Mart – Beynəlxalq Qadınlar günü ölkəmizin hər yerində qeyd edildiyi kimi İsmayıllıda da dövlət qayğısının təzahürü olaraq məzmunlu və maraqlı tədbirlərlə qeyd olunur.
03 mart 2017-cı il tarixdə rayon uşaq kitabxanasında şəhər 1 saylı uşaq bağçası – körpələr evinin “Anaları təbrik edək” adlı tədbiri keçirilib.
İlk öncə Rayon İcra Hakimiyyətinin məsul işçisi Gülnarə Mirzəliyeva tədbir iştirakçısı olan anaları və qızları bayram münasibətilə rayon icra hakimiyyətinin başçısı adından təbrik edib.
Sonra körpə fidanlar anaların şəninə səmimi hisslərlə şeirlər söyləyib, şən mahnılar oxuyublar, rəqs etdiblər.
Tədbirdə RTŞ-nin metodisti Güllübəyim Cərullayeva, Uşaq Ailələrə Dəstək Mərkəzinin direktoru Lətifə Əliyeva, İsmayıllı Dövlət Humanitar və Texnologiya Kollecinin direktoru Kəmalə Süleymanova çıxış edərək körpə fidanları bayram münasibətilə təbrik ediblər, onlara sağlam həyat tərzi arzulayıblar.
Tədbirin Sonunda uşaqlara fəxri fərmanlar və hədiyyələr təqdim olunub.
