“Narkomaniya-könüllü ölümdür” mövzusunda rəsm müsabiqəsi keçirilib.

Yeniyetmə və gənclərin zərərli vərdişlərdən  çəkindirilməsi, onların asudə vaxtlarının səmərəli təşkili cəmiyyətin, ictimai təşkilatların, təhsil müəssisələrinin əsas vəzifələrindədir.
               “Futbolçulara Hüquqi Yardım Mərkəzi” İctimai Birliyi Azərbaycan Respublikasının Prezidenti yanında Qeyri-hökumət Təşkilatlarına Dövlət Dəstəyi Şurasının köməyi ilə gənclərin zərərli vərdişlərdən çəkindirilməsi layihəsinin icrasına başlanılıb.
                 İsmayıllı Rəsm Qalereyasında yuxarıda adı çəkilən İctimai Birliyin və İsmayıllı RİH-nin birgə təşkilatçılığı ilə rəsm müsabiqəsi keçirilib. Tədbirdə “Narkomaniya-könüllü ölümdür” mövzusu əsasında şagirdlər rəsm əsərləri çəkiblər.
               Müxtəlif ümumtəhsil məktəblərini təmsil edən tədbirdə 40-a yaxın şagird iştirak edib. Münsiflərin rəyinə əsasən şəhər 3 saylı tam orta məktəbin şagirdi Nəzrin Mirzəyeva birinci,1 və 5 saylı məktəbin şagirdləri Fatimə Ramazanova, Rəsulzadə Rəsul ikinci,şəhər 1 saylı və Vəng tam orta məktəbinin şagirdləri Aysun Manaflı və Fərqanə Qəribova üçüncü yerə layiq görülüblər. Daha 5 nəfər məktəbli müsabiqənin həvəsləndirici mükafatlarını alıb.
                  Tədbirin təşkilatçısı olan  “Futbolçulara Hüquqi Yardım Mərkəzi” İctimai Birliyi tərəfindən qaliblərə fəxri fərmanlar və qiymətli hədiyyələr verilib.