Sudan istifadə edənlərin imkanları artır
Dünya Bankı ilə Azərbaycan Hökuməti arasında 25 oktyabr 2011-ci il tarixdə “Sudan İstifadəedənlər Birliklərinin İnkişafına dəstək” Layihəsinin icrası Azərbaycan Meliorasiya və Su Təsərrüfatı Açıq Səhmdar Cəmiyyətinə tapşırılmışdır.
Layihənin əsas məqsədi, respublikanın rayonlarında, o cümlədən İsmayıllı rayonunda yeni yaradılmış Qurbanəfəndi, Qalınçaq, Kürdmaşı SİB-nın xidməti ərazisində təsərrüfatdaxili suvarma və drenaj sistemlərini müasir tələblərə uyğun olaraq bərpa etməklə yanaşı, onların ofislərlə təchiz edilməsi nəzərdə tutulmuşdur.
Layihə hesabına 2012-ci ildə Qurbanəfəndi, Qalınçaq, Kürdmaşı SİB-nin ərazisində ofislər tikilib, mebellərlə təchiz edilərək təmənnasız olaraq sudan istifadə edənlər birliklərinə təhvil verilmişdir.
Bu gündən Qurbanəfəndi SİB-nin xidmət etdiyi 783 hektar ərazidə təsərrüfatlararası , təsərrüfatdaxili suvarma və drenaj sistemlərinin müasir tələblərə uyğun olaraq bərpa edilməsinə başlanılmışdır.
Dövlət aqrar siyasətinin sosial yönümlü olması kənd təsərrüfatına bundan sonra daha çox xeyr verəcəkdir.
