18 may Beynəlxalq Muzeylər günüdür
Beynəlxalq Muzeylər Günü - Beynəlxalq Muzeylər Şurasının (İCOM) təşəbbüsü ilə 1977-ci ildən etibarən 18 may tarixində qeyd edilir. Bu bayram bir qayda olaraq xalqlar arasında mədəni mübadilə və əməkdaşlığın inkişafına kömək devizi ilə keçirilir. Muzeylər maddi-mənəvi dəyərləri toplayan, qoruyan və təbliğ edən müəssisələrdir. Respublika muzeylərində bu baxımdan çox böyük iş aparılır.
Mayın 16-da İsmayıllı rayon Tarix-Diyarşünaslıq Muzeyində də 18 may Beynəlxalq muzeylər günü münasibəti ilə ənənəvi “Açıq qapı” günü keçirilmişdir. Rayonun bir çox ümumtəhsil məktəbləri və bir sira dövlət idarələri müzeyə dəvət olunmuş, onlar üçün ekskursiyalar təşkil olunmuşdur. Muzeyimiz və orada saxlanılan eksponatlar haqqında geniş məlumat verilmişdir. İsmayıllının tarixinin qədimliyi qonaqların diqqətinə çatdırılmış və bu baxımdan muzeyin əhəmiyyətindən danışılmışdır.
